Huduma za Kielimu

SEKTA YA ELIMU

ELIMU YA MSINGI.
    Mwaka 2015  Wilaya ina jumla ya Shule za Msingi 117 zikiwemo za    serikali 110, zisizo za serikali 7. 

UANDIKISHAJI  WA DARASA LA KWANZA.
    Mwaka 2015  Wilaya imeweza kuandikisha jumla ya wanafunzi 6,663 (asilimia 92), wavulana  3,366 na wasichana 3,297 kati ya wanafunzi 7,246   waliotarajiwa kuandikishwa.
            
  IDADI  YA WANAFUNZI.
    Hadi  kufikia Juni mwaka 2016, Wilaya ya Karagwe ina jumla ya wanafunzi  61,223, wavulana 29,865 na wasichana 21,358 na  kwa shule zisizo za serikali zina wanafunzi wavulana 636  na wasichana 611, jumla 1,247. Kwa ujumla wa  shule za serikali na zisizo za serikali zina wavulana 30,501 na wasichana  31,969, jumla kuu 62,470.

 IDADI  YA WALIMU.
    Wilaya ina jumla ya walimu 1,396 wa  kike 601 na wa kiume 795. Hii ni  sawa  na uwiano wa 1:44 yaani mwalimu 1 kwa wanafunzi 44.  Hata  hivyo   bado upo upungufu wa walimu 379 hii ni  kutokana na wingi wa wanafunzi  wanaosajiliwa kuingia darasa la kwanza na  baadhi ya      walimu kustaafu.

MIUNDO  MBINU.
    Hali ya miundo mbinu katika Shule za  Msingi ni kama inavyoonyeshwa kwenye  jedwali hapo chini.

          Jedwali Namba 3  (Miundo mbinu ya shule za msingi kwa mwaka 2016)

    VITABU.
    Hadi Mwezi  Februari, 2016 uwiano wa kitabu kwa wanafunzi umefikia 1:5. Hii  ni baada ya kuanza kupokea vitabu  vilivyonunuliwa na Serikali (Capitation) na Shirika lisilo la kiserikali la  TWAWEZA na vitabu vya chenji ya Rada na wadau wengine.

VYUO VYA UFUNDI.
    Wilaya ina  Vyuo vya Ufundi 3 hadi kufikia mwaka huu 2016.   Chuo kimoja ni cha Halmashauri ya Wilaya ya Karagwe (KDVTC), Chuo 1 ni  cha mtu binafsi (KVTC) na Chuo 1 ni cha Kanisa la Kilutheri Tanzania (Lukajange  ELCT).Vyuo hivi vinatoa elimu ya kuwawezesha vijana waweze kujitegemea na kujiajiri  katika fani mbali mbali.

ELIMU YA SEKONDARI
    IDADI YA SHULE KATIKA WILAYA 
    Wilaya ina jumla ya shule za Sekondari 25 zenye jumla ya wanafunzi 9,064 kati yao 4,330 wakiwa ni wavulana na 4,734 wasichana. Jedwali lifuatalo linaonesha idadi ya shule na wanafunzi         waliosajiliwa katika shule hizo.

Jedwali Namba 4: Idadi ya Shule za Sekondari kwa  mwaka 2015

    IDADI YA WALIMU
    Kwa mwaka 2015 Wilaya  ina jumla ya walimu katika shule za sekondari za serikali 368. Kati yao 266 ni  wanaume na 102 ni wanawake.  

MIUNDO MBINU MUHIMU KATIKA SHULE 
    Hali ya uwepo wa miundombinu muhimu  katika Shule za Sekondari za Serikali ni kama inavyooneshwa katika jedwali  lifuatalo:-

Jedwali  Namba 5: Hali ya uwepo wa Miundombinu muhimu katika Shule za Serikali – 2015

UWEPO WA VITABU SHULENI
    Kimsingi, uwepo wa  vitabu vya kiada katika shule za sekondari za serikali kwa masomo yote tisa ya  msingi unaimarika mwaka hadi mwaka kwa namna serikali inavyoziwezesha shule  kununua vitabu kupitia fedha za ruzuku (capitation grant). Hadi mwezi Februari  2015 uwiano wa kitabu kwa wanafunzi upo kati ya wastani wa 1:3 na 1:1, hasa kwa  masomo ya sayansi na hisabati.

CHANGAMOTO
      Sekta ya Elimu ya Sekondari katika wilaya  inakabiliwa na changamoto za kimaendeleo kama ifuatavyo:-  

•     
• Upungufu  wa baadhi ya majengo muhimu katika shule hususani nyumba za walimu, hostel kwa  ajili ya wanafunzi, vyumba vya maktaba na majengo ya utawala ikiwa ni pamoja na  madawati.
•     
• Walimu  wanaokosa nyumba katika maeneo ya shule, wanalazimika kupanga katika nyumba za  mitaani au sehemu zisizo salama huko vijijini. Na wakati mwingine wanakosa  kabisa nyumba za kupanga.
•     
• Upungufu  wa walimu hasa wa masomo ya Sayansi na hisabati hupelekea shule kuajiri vijana  waliohitimu Kidato cha sita katika tahasusi za sayansi. Hawa hawana taaluma na  haiba ya ualimu.
•     
• Ukosefu  wa watumishi wa kuajiriwa wa kada za uhasibu, ukarani, Uboharia, Ulinzi, Upishi  na Uchapaji ni tatizo ambalo huwafanya walimu kufanya kazi ambazo siyo taaluma  yao, au shule kuajiri watumishi wa muda hivyo kuziongezea shule mzigo katika  bajeti zao.
•     
• Baadhi  ya shule zinakosa viwanja vya michezo kulingana na mazingira zilipo, lakini pia  na ufinyu wa eneo la shule husika.

MIKAKATI YA KUBORESHA TAALUMA KATIKA SHULE ZA  SEKONDARI    

• Kuelimisha  jamii itambue kuwa jukumu la kukamilisha miundombinu muhimu shuleni ni la kila  mwananchi wa eneo husika.   
• Kuhamasisha  wanajamii na wadau kutoa michango ya hali na mali itakayotosha kukamilisha  ujenzi wa miundombinu inayokosekana pamoja na uendeshaji wa shule kwa ujumla.   
• Kuhamasisha  jamii kuziwezesha shule kutoa chakula cha mchana kwa wanafunzi wote.    
• Kushirikiana  na idara ya Ukaguzi wa Shule Wilaya na Kanda kuzikagua shule mara kwa mara ili  kushauri namna ya kuondoa mapungufu yaliyobainika na kuhakikisha kuwa usimamizi  na utoaji wa taaluma kwa wanafunzi wote unakuwa imara.    
• Kuhamasisha  wanafunzi kusoma masomo ya Sayansi na hisabati kwa bidii na nia ya dhati ili  hatimaye tuweze kupata Walimu wengi wa masomo ya Sayansi.    
• Ili  kukabiliana na tatizo la upungufu wa shule za kidato cha tano na sita, wilaya  imeweka katika mpango wa maendeleo ya elimu ya Sekondari mkakati wa kukigeuza  chuo cha ualimu kilichokuwa kinajengwa kuwa shule ya sekondari ya A – level tu.  Lakini pia shule za sekondari Kituntu na Nyabiyonza zitaimarishwa kimiundombinu  kwa ajili ya kupokea wanafunzi wa kidato cha tano. 

CHUO CHA KILIMO CHA KARAGWE.
    Wilaya na wadau  wengine wa maendeleo, katika kuboresha sekta ya kilimo ambayo ndiyo uti wa  mgongo wa wananchi wa Karagwe inashirikiana na dhehebu la Dini la Kilutheri  Tanzania kupitia Dayosisi yake ya Karagwe       lilianza  ujenzi wa   chuo hicho. Lengo likiwa ni  kuwapata wataalamu wa kutosha wa kilimo watakaoweza kuongeza msukumo  katikakuinua sekta ya kilimo Wilayani na nchi nzima kwa ujumla. Aidha chuo hiki  kikikamilika kitakuwa chuo kikuu kikubwa katika ukanda wa Afrika Mashariki na  Kati.